Pendopo Kabupatén Bandung

Pendopo Kabupatén Bandung nya éta wangunan nu dijieun keur tempat pamaréntahan bupati dina mangsa éta. Pendopo Kabupatén ieu mangrupa wangunan munggaran nu diadegkeun di daerah Alun-alun Bandung. Dugi ka ayeuna wangunan ieu masih aya sarta nyicingan lahan nu emang keur wangunan ieu. Sarta ngabogaan fungsi nu sarua saperti mangsa bihari.

Sajarah

Lokasi nu dijadikeun pendopo ieu ayana di bagéan kidul lahan nu sateuacanna mangrupa alun-alun. Tempat ieu dipilih Bupati R.A. Wiranatakusumah (1794-1829) patalina jeung rarancang éta Gubernur Jenderal Daendels ngawangun jalan pos (Grote Postweg) nu bakal ngaliwat daerah nu kiwari geus jadi puseur dayeuh Bandung. Baheula, puseur dayeuh Bandung di Dayeuhkolot, hiji daerah anu ayana di 10 kilometer ti jalan raya pos nu direncanakeun. Keur ngagampangkeun komunikasi, puseur pamaréntahan kudu dipindahkeun, sahenteuna deukeut jalan raya pos éta.

Ku kituna keur meunangkeun lahan nu cocok, bupati jeung pangiringna salajengna néangan lokasi nu nurutkeun sababaraha tinimbangan minuhan syarat nu dipikahayang. Dina caritana baheula, nalika Bupati R.A.A. Wiranatakusumah jeung rombongan reureuh di hiji lokasi nu ayana di kulon walungan Cikapundung, anjeunna nancebkeun tongkat. Tampa dipikanyaho asalna, ti liang leutik urut tongkat éta kaluar cai. Dina mangsa salajengna, séké éta dikeruk tuluy dijadikeun sumur. Lokasi nu dipilih keur ngawangun pendopo aya di beulah kidul sumur éta.

Lokasi nu dipilih salian sabab kungsi dijadikeun badak mandi leutak atawa pangguyangan badak, posisi taneuhna anu rada miring ka wétan. Nurutkeun kapercayaan, lokasi éa mangrupa taneuh panghadéna dijadikeun puseur pamaréntahan.

Pendopo kabupaten mangrupa wangunan pamaréntah nu munggaran diwangun didinya. Wangun wangunanna masih sederhana. Tembokna dijieun ti anyaman awi. Hateupna masih alang-alang dilapis ku ijuk. Sanggeus sababaraha kali ngalaman renovasi, hateup wangunanna gaya tradisional Nusantara kasusun tilu, mangrupa hasil renovasi taun 1867. Hateupna geus dijieun ti genteng. Wangunan utamana mangrupa tempat gawé jeung tempat cicingna bupati. Sabab salasahiji rohangna didominasi ku kaligrafi ayat-ayat suci Al Quran, rohangan éta salajengna dingaranan Rohang Arab.

Salaku puseur pamaréntahan jeung tempat cicingna bupati, wangunan pendopo ieu kungsi akrab jeung masarakatna sabab fungsi rangkapna salaku Bale Kaboedajaan Priangan. Pendopo Kabupaten Bandung kungsi jadi saksi sajarah kamajengan kasenian jeung kabudayaan Sunda. Sabab éta teu nyieun aneh saupama tamu nu hadir didinya lain ngan asalna nu ti menak Sunda hungkul, namun aya ogé tokoh tari ti Solo jeung Yogyakarta. Nalika éta, Bandung geus jadi puseur dayeuh Jawa Barat, dipikawanoh pisan salaku puseur kabudayaan Sunda. Di dayeuh ieu, kasenian tumuwuh kalawan subur nepi ka Bandung disebut salaku Dayeuh Kasenian. Organisasi-organisasi kasenian tumuwuh subur. Misalna Badan Kesenian Indonesia, Badan Pemupuk Kesenian, Yayasan Pusat Kebudayaan Jawa Barat jrrd. Ditaun 1980-an puseur pamaréntahan Kabupaten Bandung dipindahkeun ka Soreang, pendopo ieu katempo angker sabab teu bisa saha waé asup kadinya. Komo deui ti tanggal 16 Maret 1993, wangunan éta nu munggaran diijadikeun tempat cicing resmi Wali Kota Ateng Wahyudi (17 Oktober 1988 – 17 Oktober 1993) sabab rumah dinas wali kota di Jalan R.A.A. Wiranatakusumah/Cipaganti kahuruan.

Fungsi pendopo salaku puseur pamaréntahan jeung tempat cicing Bupati Bandung dipungkas sanggeus 175 taun digunakeun. Nalika dikaluarkeunna Peraturan Pemerintah Nomor 2 taun 1986, puseur dayeuh Kabupaten Bandung dipindahkeun ka Soreang. Daerah éta ayana di 20 km ka kidul Dayeuh Bandung

Di mangsa dibentukna Gementee Bandung di tanggal 1 April 1906, otomatis puseur dayeuh jeung puseur pamaréntahan Kabupaten Bandung nu sabenerna aya di handap Gementee Bandung. Ti dinya, pendopo difungsikeun salaku puseur pamaréntahan Gementee Bandung.. Kiwari, Pendopo éta jadi tempat dinas jeung puseur pamarétahan Wali Kota Bandung.

Sumber FB Grup Salaka