Karedok Terong

 

Salian ti leunca, nu sok dikaredok teh oge terong.  Rasana teu eleh ti karedok leunca.  Matak pogot.

Bahan-bahanna:

buah terong, kacang panjang, bonteng, engkol, toge, surawung, uyah, tarasi, cikur, gula beureum, asem, bawang bodas, cengek sareng beuleum oncom.

Ngadamelna

Terong, kacang panjang, bonteng sareng engkol kedah disiksikan heula. Upami toge sareng surawung mah teu kedah disiksikan.

Uyah, tarasi, cikur, gula beureum, asem, bawang bodas, cengek sareng beuleum oncom direndos dugi ka ancur, campurkeun sareng siksikan terong, kacang panjang, bonteng, engkol, toge sareng surawung dugi sambarana nyampur rata.