Sesebutan Pikeun Buah

Ngaran Pentil

Biruluk: buah kalapa anu kira-kira sagedé curuluk, méméh jadi cengkir.  

Pentil: bubuahan nu ngora kénéh pisan.  

Semi: pentil jagong.  

Tongtolang: pentil nangka.

Ngaran buah ngora

Cengkir: kalapa ngora.  

Cicipir: buah jaat nu ngora kénéh.  

Duwegan: kalapa ngora.  

Keceprek: hiris ngora. 

Kétéwél / lentud: nangka ngora.  

Pakél: buah manggah nu ngora kénéh.

Ngaran buah

Benda: buah teureup. 

Caruluk: buah kawung (eusi caruluk: cangkaléng).

Gadog: buah gintung.

Jebug: buah jambé

Kamal: buah asem

Langgoko: buah kiray

Sesebutan buah séjénna (buah nu aya dina tangkalna)

Pala gumantung: bubuahan nu biasa ngagantung dina tangkalna saperti balingbing, kadongdong, jambu, jst.

Pala kasimpar: bubuahan nu sok ngagolér dina taneuh, saperti bonténg, kukuk, samangka, jst.

Pala kapendem: sarupaning beubeutian, saperti suuk, boléd, sampeu, bangkuan, jst.

Sifat bubuahan

Bareubeu: jambu aér nu geus téréh asak.

Cumolat: manggu nu geus coklat, téréh asak.

Dumewegan: tangkil anu eusina keur meujeuhna siga duwegan.

Gumading: gedang nu warnana semu gading nyirikeun rék asak.Humaseum: buah jeung sajabana nu haseum kénéh tapi téréh asak.

Kumapalang: peuteuy atawa sélong anu ngora kénéh.

Kumecrot: buah paré nu eusina éncér kénéh mun dipencét sok ngecrot.

Lumayung: buah nu nyirikeun geus térh asak.

Lumého: duwegan nu keur meujeuhna siga lého.

Lumiat: jéngkol nu keur meujeuhna liat.

Rumangu: pakél atawa hiris nu keur meujeuhna rangu.

Rumegang: cau nu keur meujeuhna.

Sumagol: hui nu keur meujeuhna.

Tumoké: cabé nu warnana héjo semu beureum kawas warna toké nyirikeun téréh asak.

Umanis: jagong ngora nu keur meujeuhna 

Di cutat Tina : Peperenian Urang Sunda, Kiblat, Bandung, 2005. 

Sumber: Nyarios Sunda