Palakiah Naek Angkot

Pas naek angkot heulakeun suku, ulah sirah, kecuali mun tidagor.
Mun supirna nanya "rek kamana?" kade ulah dijawab "Ke hatimu”…, bisi teu konsen nyetirna, ke mobilna "ngeeeng....Jegerrrrr!!
Sanajan si supir boga loba duit sarebuan, ulah sakali kali nyium leungeun tuluy ngomong menta jajan, sabab eta mah lain bapa maneh koplok...!!
Sanajan maneh narsis..omat ulah ngajak supirna foto bareng...,
Ulah dandan sagala soalna ngan dina FTV wungkul aya supir angkot ganteng.
Ulah nanyakeun panto daruratna dimana. Please deh Ulah pisan!! soalna lain pesawat terbang.
Mun supir rek mindahkeun gigi, ulah sok roromantisan sagala, komo bari nyekel leungeun bari melong panonna mah, kecuali mun angkotna hayang nyuksruk kanu sawah!!
Mun aya nu malak dijero angkot, api-api sare we, paling ge diliwatan mun teu kitu nya wayahna we ari aya nu nyabok pipi nitah hudang mah.
Mun diuk ditukangeun supir ulah ngareureuwas supir, komo dipeungpeunan panonna bari dirangkul, bari ngomong "cik tebak ieu saha?" mah,
Ulah daek mun naek angkot nu make bensin campur. komo bensin campur dorong mah. Cape ngadorong euy..!!
Mun rumasa cadel, ngomongnya "Setop" we, ulah "Kiri".. bisi diseungseurikeun ku supir angkotna.
Omat dibayarna make duit, ulah dibayar ku saparangkat alat solat. da lain keur ijab kabul.
Nu terakhir jeung nu paling penting mah, rek sakumaha pinuhna ge omat ulah diuk dina lahunan supir.