Siger & Mahkota Binokasih Sang Hyang Pake

Ku Jajats Suprijatna

Siger & Mahkota Binokasih Sang Hyang Pake nu ayeuna aya di Museum Prabu Geusan Ulun Sumedang diserahkeun ku Raja Pakuan Pajajaran (Prabu Ragamulya Suryakancana 1567-1579 M) ka Karajaan Sumedang Larang (Pangeran Geusan Ulun 1578 – 1601) waktos runtagna Kerajaan Pakuan Pajajaran, direbut ku pasukan Maulana Yusup ti Banten.

Cuplikan Carita Parahiangan:

“Batara Guru di Jampang ma inya nu nyieun ruku Sanghiyang Pake basa wastu dijieun Ratu. Beunang nu pakabrata sewaka ka dewata nu ditiru oge pake Sanghiyang Indra, ruku ta.”

Mahkota Sanghiyang Pake didamel ku Batara Guru di Jampang waktos pamarentahan Sanghyang Bunisora Suradipati Raja Galuh (taun 1357-1371 M) kanggo nobatkeun gegentosna Prabu Niskala Wastu Kencana (tahun 1371 – 1475 M).

Eta Mahkota di jieun tina emas, bagian lebetna dilapis buludru, wangunna nurutan Mahkota Batara Indra (sapertos nu digambarkeun dina pawayangan), ngalambangkeun Raja kudu miboga sipat sapertos kaluhungan Batara Indra.

Taun 1578 M, Raja Pajajaran (Prabu Ragamulya Suryakancana, 1567-1579 M), ngutus 4 Patilasan Kandaga Karajaan masrahkeun Mahkota Binokasih ka Prabu Geusan Ulun (Raja Sumedang Larang 1578 – 1601).

Opat Patilasan Kandaga nu katelahna "Opat Kandaga Lante ", nyaeta:

1. Embah Sajang Hawoe (Embah Jaya Perkosa),

2. Batara Wijati Wiradijaya (Embah Nangganan),

3. Sanghiang Kondang Hapa (Embah Kondang Hapa),

4. Batara Pancar Boewana (Embah Terong Peot).

Raja Pajajaran masrahkeun Siger & Mahkota Binokasih ka Prabu Geusan Ulun sangkan Karajaan Sumedang Larang bisa neruskeun kajayaanna Karajaan Sunda.

Dina waktos pamarentahan Bupati Pangeran Suria Kusumah Adinata/Pangeran Sugih (1937-1946 M), Siger & Mahkota Binokasih dijadikeun keur hiasan mastaka pengantenan kulawarga bupati Sumedang.