Serat Ti Ayah Kanggo Bunda

Bandung, 19 Januari 2015

Haturan bunda (Bojo ayah nu geulis)

Bunda sayang,, hapunten ayah teu acan tiasa ngabahagiakeun bunda. Ayah sering ngantunkeun bunda, ayah sering sibuk ku urusan ayah nyalira..

Bunda sayang,, hatur nuhun pisan dugika danget ieu bunda masih satia ka ayah.

Ayah terang saleresna mah bunda teh cape. Subuh-subuh dina waktos nu sanes mah masih talibra keneh, bunda mah tos gugah. Sabada bunda netepan subuh, bunda teras nyayogikeun sarapan kanggo ayah sareng murangkalih. Nyeuseuh, nyapu, teras ngepel..

Ayah angkat damel, bunda ge angkat nganteur murangkalih sakola. Uih nganteur nu sakola, bunda teras icalan anggoan sareng parfum ka rerencangan bunda, kanggo nambih-nambih penghasilan. Siang na sabada ngajemput murangkalih ka sakola, bunda masak deui kanggo tuang siang.

Sonten na bunda kedah ngibakan murangkalih, nganter deui sakola agama. Wengi na sabada nonton TV sakedap, bunda masih kedah ngabimbing murangkalih belajar. Murangkalih tos bobo, bunda masih kedah ngalayanan ayah..

Kitu sareng kitu kasibukan bunda saban dinten...

Bunda sayang, bojo ayah nu geulis..

Jujur ayah teu tega upami ningal bunda kacapean.. Aya teu tiasa ningal bunda sibuk nyalira sepertos kitu.

Bunda sayang.. Kumaha upami ayah milari deui bunda nu enggal, supados bunda teu cape teuing...???

Wassallam...

Ayah